Республика ишчи гуруҳи Термиз туманида бўлишди

Республика ишчи гуруҳи Термиз туманида бўлиб, туманда 2020 йилги пахта йиғим-терими давомида мажбурий меҳнатга йўл қўймаслик бўйича амалга оширилаётган ишлар ҳамда теримчилар учун яратилган шарт-шароитлар билан танишишди. Ўрганиш давомида пахта далаларига бевосита чиққан ҳолда теримчилар учун яратилган шарт-шароитлар кўздан кечирилди.

Фермер хўжалиги ва отрёд раҳбарлари билан ўтказилган суҳбатлар давомида теримчиларнинг шарт-шароитларини яхшилаш, улар билан ўзаро шартнома имзолаган ҳолда ишларни ташкил этиш, меҳнат муносабатларига қатъий риоя этилиши борасида тушунтириш ва тавсиялар берилди.