Савобли ишларда кўмакчи харбийларимиз

Юртимиз сархадларини химоя қилиб келаётган мард ўғлонларимиз юртимизда синовли кунлар бошланганда ҳам қараб туришмади. Ўзларининг саховати ва инсонларга кўрсатаётган ёрдамларини кўриб фахраланади киши. Куни кеча  “Саховат ва кўмак” умумхалқ ҳаракати доирасида  ДХХ Чегара қўшинларининг Термиз шаҳрида жойлашган харбий қисмлари  хизматчилари  томонидан яна бир хайрли ишга қўл урулди.

Чегара  олди худудларида истиқомат қилаётган кам таъминланган, имконияти чекланган юртдошларимизга озиқ-овқат махсулотлари етказилиб, ёрдам беришди.  Бундай эътибордан хурсанд инсонларимиз қўлини дуога очиб, юртимиз учун хизмат қилаётган харбийларимизни дуо қилишди.