MARKAZNING ILK TALABALARI BITIRDI

O‘zbekiston Respublikasi Prezidenti muhtaram Shavkat Miromonovich Mirziyoyev tashabbusi bilan qo’shni Afg‘oniston davlati yoshlarini turli sohalar bo‘yicha oliy ma’lumotli kadrlar tayyorlab berish maqsadida O‘zbekiston Respublikasining Oliy va o‘rta maxsus talim vazirligi huzuridagi Afg‘oniston fuqarolarini o‘qitish talim markazi 2017-yil 13-noyabrda Surxondaryo viloyatida tashkil etilgan edi. 

 Bugungi kunda Termiz tumanida joylashgan markazda 122 nafar talabalar “O’zbek tili va adabiyoti” ta’lim yo’nalishida va “Temir  yo’l” sohasi bo‘yicha taxsil olmoqda.

Bugun esa tantanali tarzda 96 nafar “O’zbek tili va adabiyoti” yo’nalishini taxsil olgan afg’on yoshlari o’qishni tamomladi. Ularga diplomni shaxsan Surxondayo viloyati hokimi To’ra Bobolov topshirdi.

Endilikda ular  o`z yurtlariga qaytib, sohasi bo’yicha yurti taraqqiyoti uchun munosib  hissa qo’sha oladigan kadr bo’lib ish boshlaydi.

Shuningdek Afg’on yoshlarini o’qitish ta’lim markazining yangi qurilib bitkazilgan yotoqxonasi ham foydalanishga topshirildi.

Mastura Xamroyeva

Suratlar muallifi Jonibek Qo'zimurodov