Пандемия шароитида “Термиз”ташқи иқтисодий фаолият божхона постида экспорт-импорт жараёнлари жадал олиб борилмоқда

Бугунги оғир шароитга қарамасдан мамлакатимизнинг барча худудларида товарларнинг экспорт-импорти тўхтовсиз давом этмоқда. Ҳусусан, Сурхондарё вилоятида жойлашган “Термиз” ташқи иқтисодий фаолият божхона постида ҳам иш айни қизғин палласига чиққан.

Мазкур божхона постида куну-тун товарларнинг божхона расмийлаштируви йўлга қўйилган ва ҳозирги карантин шароитидан келиб чиқиб ходимларнинг хавфсизлиги ва коронавирус инфекциясини кириб келишини олдини олиш мақсадида божхона ходимлари махсус тиббий комбинзонлар билан таъминланган.

Рақамларга мурожаат қиладиган бўлсак жорий йилнинг январь-март ойлари давомида “Термиз” ташқи иқтисодий фаолият божхона постида жами қиймати 5,4 млн. АҚШ долларлик товарлар импорти ва 40,3 млн. АҚШ доллорлик товарлар экспорти амалга оширилган бўлса апрель ойининг биринчи ҳафтасининг ўзида эса қиймати 99,2 минг АҚШ долларлик товарлар импорти ва 2,4 млн. АҚШ долларлик товарлар экспорти қиска муддатларда божхона расмийлаштирувидан ўтказилган.

Шунингдек, хозирда аҳолини энг муҳим зарурий ва бирламчи маҳсулотлар билан қисқа муддатларда таъминлаш мақсадида жорий йил бошидан Покистон давлатидан 1,3 минг тонна картошка, Россия давлатидан эса 20 тонна ўсимлик мойи маҳсулотлари “импорт” божхона режимига расмийлаштирилиб, ички бозорларга тарқатилди.

Бундан ташқари, мавжуд вазиятни инобатга олган ҳолда Муҳтарам юртбошимиз томонидан 2020 йил 3 апрелда қабул қилинган ПФ-5978 сон Фармонга асосан, яна 20 турдаги товарлар (13 турдаги озиқ-овқат, 7 турдаги гигиена) импортига 2020 йилнинг сўнгига қадар божхона божи ва акциз солиғидан имтиёзлар жорий этилди.

Бундан кўриниб турибдики, мамлакатимизда озиқ-овқат тақчиллиги билан боғлиқ муаммолар вужудга келмайди ва аҳолини бирламчи зарурий товарларига бўлган эҳтиёж доимий равишта қондирилиб борилади.

Мастура Хамраева

Ўзбекистон Журналистлари ижодий уюшмаси 

Сурхондарё вилоят бўлими мутахассиси