"Сариосиё" чегара божхона постида иш қизғин

Ҳозирги пандемия шароитида ҳам чегара  божхона постлари орқали экспорт- импорт  юклари  тезкорлик билан божхона расмийлаштирувидан ўтказилмокда. Жумладан,  "Сариосиё" чегара божхона пости орқали экспорт-импорт ва транзит товарлар ҳаракати тўхтовсиз ҳаракатланмокда.

Давлат санитария назорат органлари билан ҳамкорликда пост орқали ҳаракатланаётган автотранспорт  ва уларда ташилаётган юклар дизенфекция қилиниб,  божхона назоратидан ўтказилмокда.

Хусусан, жорий йил бошидан 535 та юк автотранспорт воситаларида 209,5 миллион АКШ долларлик товарлар экспортга чиқарилган бўлса, 62 та  юк автотранспорт воситаларида жами  1,7 миллион АКШ долларлик товарлар импорт қилинди. 15 март кунидан 10 апрель кунига  қадар эса, 119 та юк автотранспорт воситаларида сал кам 1,8 миллион АКШ долларлик товарлар экспортга чиқарилган бўлса, 21 та  юк автотранспорт воситаларида  732 минг АКШ долларлик товарлар импорт қилинди. Бундан ташқари ҳар куни ўртача 50 дан зиёд юк автотранспорт экспорт-импорт ва транзит режимида самарали божхона назоратидан ўтказилмокда.

Суратларда божхона ходимлари: Рахмонов Жўрабек ва Тўхтаев Шахбоз.

Мастура Хамраева

Ўзбекистон Журналистлари ижодий уюшмаси 

Сурхондарё вилоят бўлими мутахассиси